Su primu sole battit sas isperas
un'aera frisca, alligra e risulana,
una runchinedda bolat soberana
battinde cosas bellas, friscas e lizzeras.
Una viola, unu lizzu e una rosa,
sun sas tres prendas de su giardinu
ricchesa, bellesa, de colore divinu
bolat lena sa durche mariposa.
A manzanu s’accraran sos colores
una pintada ‘e armoniosa fantasia
puzzoneddos cantande in allegria
sa serenada a sos tres bellos frores.
