„ Precande su Segnore, imbrenucau
manos juntas, solu, in su banchittu
in sa cresiedda ne calore ne frittu
nessi un’ora, mudu, soe abbarrau.
Dae su coro, milli precadorias
issian chei unu ribu a pessamentos
pro sos Santos, Maria e a milli bentos
pedinde grassias, perdonu e galanias.
S’anima, a s’issia, fit prus serena
pro aer faveddau chins su Segnore
fintzas su sole fit de diversu colore
caentabat chin durcura sa carena.“
