Cuss’antica istirpe, si biet dae pizzinnia,
no est faveddu de birgonza o balentia
l’amus ripittiu milli bortas ebbia
chi dae conca a pedes semus nugoresos.
In su coro su profumu e s’Ortobene
in sa’animu su sensu e sa zustissia
carchi borta fachimus cosa chin malissia
si traichen de s’amistade su bene.
Sos guruttos de Santu Predu sunu benas
sas campanas de Santa Maria sunu boche
unu coro mannu dae Sas Grassias a inoche
pintamus disizzos ucchidende sas penas.
Est divinu s’amore pro Nugoro
unu dolu mannu, una pena, a n’de partire
non b’at nugoresu chi cheriat fughire
dae custa patria galana, brillante chei s’oro.
Nugoro, Nugoresas, Nugoreos
a su narrere, unu misticu limbazzu
melodias de organittu o de sonazzu
contos de amore intr ‘e coro presos.
